Stikan Map

Persónuverndarstefna

Gildir frá 14. nóvember 2026 (uppfært 14. nóvember, útgáfa beta.2) · á við appið Stikan Map og þessa vefsíðu

Í stuttu máli: Stikan Map safnar engum persónuupplýsingum. Staðsetning þín er aðeins notuð á tækinu þínu. Ferlar, stillingar og leitarsaga eru aðeins geymd á tækinu. Í appinu er engin innskráning, engar auglýsingar, engin greining (analytics) og engin sjálfvirk villuskráning. Þú getur sjálf(ur) valið að senda okkur hrunskýrslu eða ábendingu (sjá „Hrunskýrslur og ábendingar“).

Staðsetning

Appið biður um aðgang að staðsetningu aðeins meðan appið er opið. Hún er notuð til að sýna þig á kortinu, taka upp feril, reikna leið frá þér, leiðsegja og sýna hnitin þín í neyðarspjaldinu. Appið notar ekki staðsetningu í bakgrunni.

Staðsetningin er unnin á tækinu og fer hvergi annað. Hún er ekki send til okkar né til þeirra þjónusta sem appið sækir gögn frá (sjá hér að neðan). Þú getur hafnað eða afturkallað aðganginn hvenær sem er í stillingum tækisins; kortið virkar áfram án hans.

Gögn sem geymd eru á tækinu

Við höfum engan aðgang að þessum gögnum. Þau eyðast þegar þú eyðir þeim í appinu eða fjarlægir appið. Ef þú tekur afrit af tækinu (t.d. Google- eða iCloud-afrit, eða í tölvu) geta þau fylgt afritinu samkvæmt þínum stillingum hjá Google eða Apple.

Gögn sem appið sækir af netinu

Kortagögn (einu sinni)

Við fyrstu ræsingu sækir appið kortagögnin (um 1,3 GB) af geymslu Stikan Map hjá Cloudflare (Cloudflare R2, pub-7420eb7d7b0341959e178eabcfd45545.r2.dev), og aftur ef niðurhal rofnar. Það eru venjulegar niðurhalsbeiðnir án nokkurra auðkenna eða upplýsinga um þig. Cloudflare getur, eins og aðrir vefþjónar, skráð IP-tölu og tíma beiðna; sjálf geymum við engar skrár um notendur.

Veður og færð (reglulega)

Þegar net er til staðar sækir appið opinber gögn beint frá eftirfarandi aðilum, á 15–30 mínútna fresti meðan appið er opið og aldrei í bakgrunni. Beiðnirnar innihalda hvorki staðsetningu þína né neitt sem auðkennir þig. Eins og við allar netbeiðnir sjá þessir þjónar IP-tölu tækisins; um það gilda skilmálar og persónuverndarstefnur þeirra.

AðiliGögnÞjónn
Veðurstofa ÍslandsVeðurathuganir, veðurstöðvar, staðaspár, veðurviðvaranirapi.vedur.is, xmlweather.vedur.is
VegagerðinFærð, vegavinna og atvik, veður á vegumgagnaveita.vegagerdin.is

Eftir að kortagögnin eru komin á tækið nota kortin, örnefni, leit og leiðarval ekkert net.

Þegar þú velur að fara út úr appinu

Hrunskýrslur og ábendingar

Ef appið hrynur geymir það stutta skýrslu á tækinu. Við næstu ræsingu spyr appið hvort þú viljir senda hana og ekkert er sent nema þú veljir „Senda“. Skýrslan inniheldur villulýsingu, tæknilegan feril villunnar (stack trace), útgáfu appsins og gerð og útgáfu Android. Hún inniheldur hvorki staðsetningu, hnit, ferla, leitir né nein auðkenni.

Í Valmynd getur þú líka sent ábendingu. Hún inniheldur textann sem þú skrifar, netfang ef þú setur það inn sjálf(ur), og útgáfu appsins og gerð Android ef þú leyfir það. Þú getur slökkt á því síðastnefnda.

Skýrslur og ábendingar eru vistaðar í einkageymslu hjá Cloudflare (R2) og aðeins útgefandi appsins hefur aðgang að þeim. Við geymum ekki IP-tölur sendanda. Þær eru notaðar til að laga villur og bæta appið; ef þú vilt að ábendingu eða skýrslu sé eytt, sendu póst á netfangið neðst (nefndu dagsetningu og tíma sendingar). Cloudflare getur, eins og aðrir vefþjónar, unnið IP-tölu tæknilega við að taka á móti beiðni.

Beta-prófun: hvað við söfnum og hvers vegna

Þegar þú sækir betuna samþykkir þú eftirfarandi. Þetta á aðeins við beta-útgáfuna sem er sótt af vefsíðunni; útgáfan í Google Play biður ekki um kóða og sendir ekkert af þessu. Við viljum vita að boðnir prófendur séu að nota appið, á hvaða tækjum, laga villur og geta lokað betunni þegar appið kemur í Google Play. Meira en þetta söfnum við ekki.

Þetta söfnum við ekki: staðsetningu, leiðir, hnit, leitir, auglýsingaauðkenni eða notkunargreiningar. Við geymum ekki IP-tölur og setjum engar vafrakökur.

Þitt val: þú getur sleppt því að senda hrunskýrslur og ábendingar án þess að það hafi áhrif á appið. Ef þú vilt draga samþykkið til baka, fjarlægðu appið og sendu okkur tölvupóst (netfang neðst); þá afturköllum við kóðann og eyðum gögnum sem tengjast honum (þar á meðal tækisupplýsingum), sem og skýrslum og ábendingum sem þú sendir. Gögnin eru geymd á meðan betan stendur yfir.

Niðurhalskóði

Beta-útgáfan er sótt með niðurhalskóða sem þú færð með boði. Áður en þú sækir appið þarftu að haka við samþykki á vefsíðunni. Þegar þú slærð inn kóða athugar þjónn okkar (Cloudflare Worker) hvort hann er gildur og telur niðurhalið; hver kóði gildir fyrir fá niðurhöl (fjöldinn er ákveðinn þegar kóðinn er búinn til). Geymt er kóðinn, athugasemd sem útgefandi skráði (t.d. nafn prófanda), fjöldi niðurhala og hvenær kóðinn var síðast notaður. Við geymum hvorki IP-tölu né vafrakökur. Í appinu athugar beta-útgáfan við ræsingu hvort henni hafi verið lokað (þegar appið kemur í Google Play); sú beiðni inniheldur engin gögn um þig.

Beta-prófun

Ef þú prófar appið í gegnum Google Play (prófunarrás) eða TestFlight getur Google eða Apple safnað upplýsingum um tækið, hrunskýrslum og athugasemdum sem þú sendir sjálf(ur), samkvæmt eigin skilmálum, og deilt hluta þeirra með útgefanda appsins til að laga villur. Stikan Map sendir hrunskýrslur og ábendingar aðeins eins og lýst er hér að ofan.

Þessi vefsíða

Vefsíðan notar engar vafrakökur, enga rakningu, engar greiningar og aðeins eitt eyðublað: niðurhalskóðareit fyrir beta-prófendur (sjá „Niðurhalskóði“). Hún er hýst hjá Cloudflare, sem vinnur IP-tölur og tæknilegar upplýsingar til að afhenda síðuna og verja hana.

Börn

Appið safnar engum upplýsingum, hvorki frá börnum né fullorðnum.

Breytingar

Ef appið breytist þannig að þessi stefna á ekki lengur við verður hún uppfærð hér, með nýrri dagsetningu, áður en breytingin tekur gildi.

Samband

Stikan Map er gefið út af einstaklingi á Íslandi. Spurningar um persónuvernd: [email protected]. Þú getur einnig leitað til Persónuverndar.